Бас прокуратура мен Интерпол қызметкерлері Қазақстан Республикасы Сыртқы істер министрлігінің көмегімен Бахрейн Корольдігінен отандасымыз Зарифа Османованы экстрадициялады. Бұл туралы ҚР Бас прокуратурасының баспасөз қызметі хабарлады.

Ол Қазақстаннан Бахрейнге қыздарды жыныстық қатынасқа түсу мақсатында пайдалану үшін жіберуді жүзеге асырған трансұлттық ұйымдасқан топты басқарған деген күдікке iлінген.

"Қылмыс жасалғаннан кейін Зарифа Османова қылмыстық қудалау органдарынан жасырынды, сол үшін халықаралық іздеуге жарияланды", – делiнген хабарламада.

Оқи отырыңыз: "Олимп" БК ісі: прокурор барлық сотталушыларды 5 жылдан 6 жылға дейін бас бостандығынан айыруды сұрады 

Қазіргі уақытта ол Нұр-Сұлтан қаласының тергеу изоляторына қамауға алынды.