Оқиға бүгін болды.
Астанада Тұран мен Сығанақ қиылысында автобус жаяу жүргіншіні соғып кетті.
"Автобус жүргізушісі Сығанақ көшесімен жүріп, Тұран даңғылына оңға бұрылу кезінде жолды реттелмейтін жаяу жүргіншілер өткелімен кесіп өткен жаяу жүргіншіні соққан. Әйел алған жарақаттарынан сол жерде қайтыс болды", – деп хабарлады полиция департаменті.
Осы факті бойынша қылмыстық іс қозғалды. Қажет сараптамалар тағайындалды.