Еліміздің әр өңірінде тұратын 20 мың оқушы жазғы лагерьде тегін демалады. Бұл туралы "Қазақстан халқына" қорының баспасөз қызметі хабарлады.

Қор оқу-ағарту министрлігімен бірлесе отырып, "QH жаздық жолдама" қайырымдылық жобасын бекітті.

"Жобаға сәйкес еліміздің барлық өңірлерінен оқушылар таңдалып, жазғы лагерьге жіберіледі. Білім басқармасы мектеп оқушыларының жан-жақты физикалық, психологиялық және моральдық дамуы үшін қолайлы жағдай жасалған 30 лагерь таңдады. Білім беру органдары мектеп ұсынған тізім бойынша балаларды қауіпсіз тасымалдауды қамтамасыз етуге міндетті" – делінген хабарламада.

Оқи отырыңыз: Қазақстандықтардың жартысына жуығының қалтасы жазғы демалыс шығындарын көтермейді

Бұл жобаға үздік оқушылар, сонымен қатар мектептің қоғамдық және мәдени өмірінде белсенділік танытқан оқушылар қатыса алады.

"Қор тарапынан 1,94 млрд теңге бөлінді. Жоба 5-8 сыныптағы 20 мың оқушының жазғы демалысын ұйымдастыруға арналған", – делінген хабарламада.

Оқи отырыңыз: Астана мен Алматы. Биыл балалардың жазғы демалысы қалай ұйымдастырылады?