Елорда тұрғындары 2023 жылдың 1 қыркүйегіне дейін иті мен мысығын тегін чиптеп, үй жануарларын tanba жануарларды есепке алу ақпараттық жүйесінде тіркей алады, деп хабарлайды Астана әкімдігінің ресми сайты.

Елорда тұрғындары үй жануарларын жаздың соңына дейін "Астана ветсервиске" мына мекенжай бойынша тегін чиптей алады: Сарыарқа ауданы, С.Мұқанов көшесі, 2/1 (Арнайы ХҚО), тел.+7 (747) 623 53 57, +7 (747) 672-85-27.

Жұмыс уақыты: дүйсенбі-жұма 9:00-ден 18:00-ге дейін (түскі ас: 13:00-14:00), сенбі 9:00-ден 13:00-ге дейін. Иттер мен мысықтарды тіркеу кезек тәртібімен өтеді. Тіркеу рәсімі үшін жануармен бірге келу, сондай-ақ өзімен бірге мобильді азаматтар базасында тіркелген телефон болуы қажет.

Оқи отырыңыз: 3 ит пен 100 мысыққа пана. Елордадағы жануарлар үйінен фоторепортаж

Сонымен қатар Астана тұрғындары өз үй жануарын ақылы негізде елорданың бірнеше ветеринарлық клиникасында тіркей алады.