Алматыда технологиялық жабдықтарды ауыстыру бойынша жоспарлы профилактикалық жұмыстарға байланысты Әуезов және Алмалы аудандарында су өшіріледі, деп хабарлайды "Алматы су".

8 қазанда сағат 09.00-ден 20.00-ге дейін Әуезов ауданында Фурката көшесі – Райымбек даңғылы төңірегінде орналасқан, Үлкен Алматы – Төле би көшесі, Тастақ — 1 шағын ауданы, No 1-10 тұрғын үйлер мен басқа да ғимараттарды сумен қамтуға шектеу енгізіледі;

10 қазан сағат 09.00-ден 20.00-ге дейін – Алмалы ауданындағы Төле би – Тілендиев – Құлымбетова – Волховская, Төле би көшесіндегі No 278,280, 282, 284 тұрғын үйлер мен басқа да ғимараттарға су жеткізуге уақытша шектеулер енгізілді.

Оқи отырыңыз: Алматыда борышкерлердің пәтеріндегі ыстық суы өшіріледі

"Жоспарланған жұмыстардың қауіпсіздігін қамтамасыз ету үшін аталған қала секторларында суық сумен жабдықтауға уақытша шектеулер енгізу қажет. Уақытша қолайсыздықтарға түсіністікпен қарауыңызды сұраймыз", – делінген хабарламада.