Қазақстандық боксшы Геннадий Головкин мен Сауль "Канело" Альварес арасындағы жекпе-жек 18 қыркүйекте таңғы сағат 09.00-де басталады, деп хабарлайды Sports.kz сайты. 

Тікелей эфир DAZN ақылы стриминг қызметі арқылы көрсетіледі. WBA (Super), WBC, IBF және WBO супер орта салмақтағы белбеулері бәске тігіледі.

Әзірге жекпе-жектің Қазақстан аумағында көрсетілуі туралы ақпарат жоқ. Бұған дейін отандық боксшылардың шетелдегі жекпе-жектері Qazaqstan және Qazsport арналарында көрсетілген еді. 

Оқи отырыңыз: "Жеті рет рекорд жаңартқан". Гиннестің рекордтар кітабына енген қазақстандық спортшылар

Геннадий Головкин пен мексикалық боксшы осымен шаршы алаңда үшінші рет кездеспек. Бірінші жекпе-жекте екі боксшы тең түсті, екіншісінде төрешілер есебімен жеңіс Сауль "Канело" Альвареске берілді.