Алдағы екі жылда Астанадағы жаңа салынатын мектептерге 5 мыңға жуық мұғалім қажет болады. Ал 2029 жылға дейін 80 мектеп салынады, деп мәлімдеді қалалық білім басқармасының басшысы Қасымхан Сенғазыев.

"Жыл сайын қолдануға беріліп жатқан жаңа мектептер үш ауысымды мектеп мәселесін шешіп отыр. Оқу жылының соңына дейін тағы 4 мектеп қолдануға беріледі. 2024 жылы 3 жекеменшік, 7 мемлекеттік және 15 жайлы мектеп салынады деп жоспарланып отыр. Жылда оқушылар санының артуына байланысты Астанада тағы 5 мың ұстаз қажет болады", – деді басқарма басшысы.

Мұнымен қатар Қасымхан Сенғазыев 2024 жылы 10 мыңнан астам орынға мемлекеттік тапсырыс берілетінін айтты. 

Оқи отырыңыз: Қазақстан мектептеріне 2817 педагог жетпейді. Қай пән мұғалімдері тапшы?

"Қаладағы мектепке дейінгі ұйымдардағы орын тапшылығы мәселесін шешу үшін 60 балабақша салынады. Қазір 10 балабақшаның қай жерге салынатыны белгіленді", – деді басқарма өкілі.