2023 жылдың шілде айында Қазақстанда 500 г кір жуғыш ұнтақтың орташа бағасы 35,7 пайызға – 939 теңгеге дейін өсті. Өткен жылдың шілде айында ұнтақ бағасы 692 теңге болған. Ал Елордада кір жуғыш ұнтақ бір жылда екі есе қымбаттады.

Ұнтақтың ең қымбат бағасы Астанада тіркелді, 500 грамы – 1380 теңгеден, бұл өткен жылғыдан екі есе қымбат. Алматыда – 1061 теңге (+28%), ал Шымкентте – 999 теңге (+38,7%).

Ұнтақтың ең төменгі бағасы Түркістанда – 726 теңге (+9,3%), Атырауда – 729 теңге (+23,7%) және Талдықорғанда – 804 теңге (+32,2%) қалаларында тіркелді.

Оқи отырыңыз: Бір жылда сергітетін газдалмаған сусын 35% қымбаттады

Қазақстанда 200 мл сусабынның орташа бағасы өткен айда 1092 теңгеге жетіп, 24% қымбаттады. Ең жоғары баға Алматыда – 1288 теңге (+21,2%), Астанада – 1174 теңге (+23,4%) және Шымкентте – 1167 теңге (+30,9%) сатылды.

Сусабын Атырауда – 903 теңге (+16%), Ақтауда – 875 теңге (+15,4%) және Көкшетауда – 978 теңге (+18,8%) арзан болды.

Елімізде дәретхана сабынының бағасы да 23% өсіп, 100 грамы 479 теңгені құрады. Ең жоғары баға Астанада болды, сабын 587 теңге (+15,1%), Атырауда – 575 теңге (+27,2%), Шымкентте – 541 теңге (+35,6%).

Ақтауда 100 г сабын 354 теңге (+12,7%), Қызылордада – 374 теңге (+31,2%), Қарағандыда – 394 теңге (+15,8%) болды.

Оқи отырыңыз: Қазақсанда кітап пен кеңсе тауарлары 45% қымбаттады