Отандық SABA GROUP KZ құрылыс компаниясы 10 жылдық мерейтойына орай өз клиенттеріне электромобиль мен пәтер сыйлауды жоспарлап отыр. Ұтыс ойының бір ерекшелігі – оған тек қазақстандықтар ғана қатыса алады. Жүлдеге үміт арту үшін клиенттер жылжымайтын мүлікті компанияның өзінен сатып алған болуы қажет. Сондай-ақ, байқауға қатысу үшін Arman City тұрғын үй кешенінің сату бөліміне келіп, тіркеуден өту шарт.

Байқаудың бірінші кезеңі 25 желтоқсанға жоспарланған. Бағы жанған жеңімпаз Zeekr 001 автокөлігіне ие болады. Ал 2024 жылғы 25 қаңтарда өтетін екінші кезеңде қатысушылар арасында пәтер жүлдеге тігіледі. Компанияның нақтылауынша, көлік пен пәтерден бөлек, басқа да бағалы сыйлықтар ойнатылады.

Айта кетейік, құрылыс компаниясы 10 жылда жалпы аумағы 500 шаршы метр болатын 12 тұрғын үй кешенін тұрғызған. Оларда қазақстандық 4600-ден астам отбасы тұрады. Қазіргі таңда тағы 2 тұрғын үй кешені бой көтеріп келеді.